*البارت الرابع*
عند محمد
كان محمد في سابع نومه وجواله كان على الصامت
دخل مشعل المستشفى وراح غرفة أخته وجلس عندها
عند مهى في السيارة
أتصلت مهى بمياسه وتعمدت تعلي صوتها
مياسه:يا هلا بمهى.
مهى:آهلين مياسه.
مياسه:شعلومج وشخبارج وشخبار الآهل؟
مهى:والله تمام ويسلم عليج.
مياسه:الله يسلمه وسلمي عليه.
مهى:وه وش الطاري تسلمين عليه؟
مياسه:هاه لا بس دام أنه يسلم أنا بعد لازم أسلم.
مهى:ألعبي على غيري المهم خليني أتذكر ليش متصله؟
مياسه:أقول أنا بعد مهى تتصل فيني مستحيل لازم يكون في شي خطير ورى هالأتصال.
مهى:وجع أجل ماني قايله لج وخلي عليووو لما تدري تزعل منج.
مياسه:إلا زعل عليووو ما يهون علي يالا تحجي وش السالفة؟
مهى قالت كل شي قاله فيهد لهم بالضبط
مياسه:أنزين ليش في المستشفى؟
مهى:يقول فهيد أن مشعل ما قاله السبب مع أني شاكه أنه يعرف بس ما يبي يقول.
فهيد:أنتي ما تعرفين تنجبين أبي أركز في سواقتي.
مهى كنيته:إلا ما قلتي لي بتيجين المستشفى؟
مياسه:أكيد أكلم هلي وبجي.
مهى:أوك أجل أشوفك هناك.
سكرت مهى
عند مياسه
كانت نازله من على الدرج ركض
مياسه:يمه يمه يبى يبى.
مياسه عمرها ٢١سنة
أم محمد:وش فيج صرقعتيني؟
مياسه:وين أبوي؟
أبو محمد:وش صاير؟
مياسه:أتصلت فيني مهى وقالت أن عليووو في المستشفى.
أم محمد:ليش عسى ما شر؟
مياسه:تقول ما تدري هم رايحين آلحين يسوقون وش السالفة.
أبو محمد:يالا جهزوا نفسكم بنروح عندها هي آلحين محتاجه لنا.
أم محمد منى ٥٤سنة
أبو محمد علي ٥٦سنة
مياسه:أنا بروح أقوم محمد.
راحت مياسه غرفة محمد
دخلت مياسه غرفة محمد
مياسه:أفففففف أشلون متحمل هالحر وع.
شغلت مياسه المكيف ألي من شكله ومن التراب ألي عليه يبين أنه ما أنفتح من زمان
مياسه:محمد.
محمد:همممم.
مياسه:مهى هنا.
فتح محمد عيونه
محمد:والله؟
مياسه:هههههههههه أمزح معاك.
محمد:وجع فارقي عن ويهي أحسن لج وسكري المكيف وراج.
مسكت مياسه جوال محمد وبدت تقلب فيه
مياسه:آلحين في رقم غريب متصل فيك ٣٤ مره وراسل لك حوالي ٣٠ رساله وما رديت عليه.
خذا محمد الجوال من مياسه
محمد:من ذا الفاضي ألي مصر أني أرد عليه؟
مياسه:وأنا وش دراني؟
محمد:أنا آلحين بدق وأشوف من هالفاضي.
دق محمد على مشعل
مشعل:محمد وجع صار لي تقريباً من الصبح وأنا أتصل فيك.
محمد بأستغراب:مشعل.
مياسه:والله هذا مشعل؟
مشعل:لا جدتك يا الخايس تعال المستشفى آلحين بدون أي تعليق.
سكر مشعل
محمد أي والله مشعل.
مياسه:أجل عرفت وش يبي.
محمد:وش؟
مياسه:يبينا نروح المستشفى عشان أخته في المستشفى.
محمد:ليش عليووو في المستشفى؟
مياسه:الله أعلم الأهم من كل هذا جهز نفسك بنروح المستشفى عندها.
محمد:أوك دقايق وأكون جاهز.
طلعت من غرفة محمد وراحت غرفتها تجهز نفسها
عند مشعل
مسك جواله اليديد وأتصل بسيف
سيف:هلا بولد العم.
مشعل:آهلين فيك.
سيف:شطاري داق علي اليوم؟
مشعل:لا سلامتك بس جيب هلك للمستشفى.
سيف:ليش عسى ما شر؟
مشعل:أنت جيب هلك وبعدين بتعرف.
سيف:أوك أكلم هلي وبنجي.
مشعل:أنتظرك.
سكر مشعل
نزل سيف لغرفة الجلوس وكان الكل مجتمع هناك
سيف:يمه جهزي نفسج.
أم سيف:ليش وين رايحين؟
سيف:المستشفى.
أبو سيف:ليش؟
سيف:ما أدري مشعل أتصل فيني وطلب مني أجيبكم معاي للمستشفى.
جنى:لا يكون في عليووو شي.
أم سيف:فال الله ولا فالج.
سيف:خلونا نروح نعرف شالسالفة.
أم سيف:دقايق وأكون جاهزة.
سيف:ننتظرج.
راحت أم سيف تجهز نفسها
سيف:وأنتي ما أنتي برايحه؟
جنى:أنت قلت أمي ما قلت أنا.
سيف:يبه أنت منين جايب هالبنت الخبلة؟.